اوپل
یہ سفید رنگ کا دودھیا پتھر ہے۔ جسے اوپلو، انگریزی میں اوپل Opal اور عربی میں حجر الابیض کہتے ہیں۔ اس میں مختلف خوب صورت رنگ کے معمولی نشانات اور ستاروں کی طرح گہری چمک دکھائی دیتی ہے۔مزاج خوش اور بشاش رکھنے میں اچھا پتھر ہے۔ اس کو پہننے سے طبیعت میں سادگی اور سنجیدگی پیدا ہوتی ہے۔ تجارت کی طرف رحجان پیدا کرتا ہے۔ محبت کرنے والوں کے لیے خوش قسمتی کا باعث ہے۔ ازدواجی زندگی میں یہ پتھر خاص طور پر معاون ہے۔ اس پتھر میں اچھی خواہشات کی علامت پائی جاتی ہے۔ اوپل جس قدر خوب صورت ہے، یہ اتنا ہی ناپائیدار ہے۔ اس کی زندگی غیر یقینی ہے۔ ذرا سی چوٹ سے بھی ٹوٹ جاتا ہے یا دراڑ پڑ جاتی ہے۔ تیز دھوپ، ہلکی گرمی بھی اس کے لیے بعض اوقات نقصان کا سبب بنتی ہے۔ اس کی سب سے بڑی وجہ یہ ہے کہ اس میں سختی نہیں ہے۔ اسے پہننے کے لیے بہت احتیاط برتنی پڑتی ہے۔ اوپل کو اس کی رنگت کی بنیاد پر چار قسموں میں تقسیم کیا جاتا ہے۔ کالا، سفید، آتشی اور آبی اوپل۔
ان مندرجہ بالاچار اقسام کے علاوہ اور بہت سی اقسام کے اوپل پائے جاتے ہیں اور مختلف قسموں کی مناسبت سے ان کے نام بھی مختلف ہیں۔یہ پتھر زیادہ گرمی سے چٹخ جاتا ہے۔اس کے لیے بہتر ہے کہ اسے کبھی کبھار رات کو پانی میں ڈال کر رکھ دیں اور صبح نکال لیں۔ اس سے اس کی زندگی میں اضافہ ہو گا اس پتھر کو پانی کی طلب زیادہ ہوتی ہے۔ اوپل کے بارے میں بہت سی روایات مشہور ہیں۔ مختلف رنگوں کو خوش قسمتی اور بدقسمتی کے لیے تصور کیا جاتا ہے۔ ان سب باتوں کے باوجود اس پتھر کو آج بڑی کثرت سے استعمال کیاجاتا ہے۔
Opal
yeh safaid rang ka doodhiya pathar hai. jisay oplo, angrezi mein opal opal aur arabi mein hijr al abayz kehte hain. is mein mukhtalif khoob soorat rang ke mamooli nishanaat aur sitaron ki terhan gehri chamak dikhayi deti hai. mizaaj khush aur bashaash rakhnay mein acha pathar hai. is ko pahannay se tabiyat mein saadgi aur sanjeedgi peda hoti hai. tijarat ki taraf rujhaan peda karta hai. mohabbat karne walon ke liye khush qismati ka baais hai. azdawaji zindagi mein yeh pathar khaas tor par Muawin hai. is pathar mein achi khwahisaat ki alamat payi jati hai. opal jis qader khoob soorat hai, yeh itna hi napaidaar hai. is ki zindagi ghair yakeeni hai. zara si chout se bhi toot jata hai ya darar par jati hai. taiz dhoop, halki garmi bhi is ke liye baaz auqaat nuqsaan ka sabab banti hai. is ki sab se barri wajah yeh hai ke is mein sakhti nahi hai. usay pahannay ke liye bohat ahthyat brtni padtee hai. opal ko is ki rangat ki bunyaad par chaar qasmon mein taqseem kya jata hai. kala, safaid, aatshi aur aabi opal .
un mandarja bala chaar aqsam ke ilawa aur bohat si aqsam ke opal paye jatay hain aur mukhtalif qasmon ki munasbat se un ke naam bhi mukhtalif hain. yeh pathar ziyada garmi se chatakh jata hai. is ke liye behtar hai ke usay kabhi kabhar raat ko pani mein daal kar rakh den aur subah nikaal len. is se is ki zindagi mein izafah ho ga is pathar ko pani ki talabb ziyada hoti hai. opal ke baray mein bohat si riwayaat mashhoor hain. mukhtalif rangon ko khush qismati aur bad qismati ke liye tasawwur kya jata hai. un sab baton ke bawajood is pathar ko aaj barri kasrat se istemaal kiya jata hai .